24x7 Christian Channel

Category: Top Bar News Ticker

ജമ്മൂകാശ്മീരില്‍ 6 ഭീകരരെ സുരക്ഷാ സേന ഏറ്റുമുട്ടലില്‍ വധിച്ചു.

ജമ്മൂകാശ്മീരില്‍ 6 ഭീകരരെ സുരക്ഷാ സേന ഏറ്റുമുട്ടലില്‍ വധിച്ചു. ജമ്മു താഴ്വരയിലെ കുപ്രസിദ്ധ ഭീകരന്‍ സക്കീര്‍ മൂസയുടെ അടുത്ത അനുയായി സോലിഹ് അടക്കമുള്ളവരാണ് കൊല്ലപ്പെട്ടത്. പുല്‍വാമയില്‍ ഇന്ന് പുലര്‍ച്ചെയാണ് ഏറ്റുമുട്ടലുണ്ടായത്

മൂന്നര വര്‍ഷത്തിനുള്ളില്‍ പൊതുമേഖലാ ബാങ്കുകള്‍ പിഴയായി ഊറ്റിയത് 10,000 കോടി…

ന്യൂഡല്‍ഹി: മിനിമം ബാലന്‍സ് ഇല്ലാത്തതിന്റെ പേരിലും എടിഎമ്മില്‍നിന്നു നിശ്ചിത തവണയില്‍ കൂടുതല്‍ പണം പിന്‍വലിച്ചതിന്റെ പേരിലും പൊതുമേഖലാ ബാങ്കുകള്‍ കഴിഞ്ഞ മൂന്നര വര്‍ഷത്തിനുള്ളില്‍ ഇടപാടുകാരില്‍നിന്ന് ഈടാക്കിയത് പതിനായിരം കോടിയിലേറെ രൂപ. പാര്‍ലമെന്റില്‍ സമര്‍പ്പിച്ച രേഖയിലാണു ബാങ്കുകള്‍ വന്‍തുക പിഴ ഈടാക്കിയതിന്റെ വിവരങ്ങള്‍ പുറത്തുവന്നത്. സ്വകാര്യ ബാങ്കുകള്‍ ഈടാക്കിയ തുകയുടെ കണക്ക് രേഖയില്‍ ഉള്‍പ്പെടുത്തിയിട്ടില്ല. മിനിമം ബാലന്‍സ് ഇല്ലാത്തതിന് 6246 കോടിയും എടിഎം അധിക ഇടപാടുകള്‍ക്ക് 4145 കോടി രൂപയുമാണ് ഈടാക്കിയിരിക്കുന്നത് രണ്ടിനത്തിലും ഏറ്റവും കൂടുതല്‍ പിഴ ഈടാക്കിയിരിക്കുന്നത് എസ്ബിടി തന്നെയാണ്.
മിനിമം ബാലന്‍സ് ഇല്ലാത്തതിന്റെ പേരില്‍ മൂന്നര വര്‍ഷത്തിനുള്ളില്‍ ഇടപാടുകാരില്‍നിന്ന് 2894 കോടി രൂപയാണ് എസ്ബിടി പിഴ ഈടാക്കിയത് മിനിമം ബാലന്‍സ് ഇല്ലാത്തതിനു 2012 വരെ പിഴ ഈടാക്കിയിരുന്ന എസ്ബിടി പിന്നീട് അതു നിര്‍ത്തലാക്കിയിരുന്നു. എന്നാല്‍ 2017 ഏപ്രില്‍ 1 മുതല്‍ വീണ്ടും ഈടാക്കി തുടങ്ങി. പഞ്ചാബ് നാഷണല്‍ ബാങ്ക്-493 കോടി, കാനറാ ബാങ്ക് – 352 കോടി, സെന്‍ട്രല്‍ ബാങ്ക് ഓഫ് ഇന്ത്യ – 348കോടി, ബാങ്ക് ഓഫ് ബറോഡ – 328 കോടി എന്നിങ്ങനെയാണ് ഈടാക്കിയിരിക്കുന്നത്.
ലോക്‌സഭാ എംപി ദിബ്യേന്തു അധികാരിയുടെ ചോദ്യത്തിനുള്ള മറുപടിയിലാണ് ധനകാര്യമന്ത്രാലയം ഇക്കാര്യം പുറത്തുവിട്ടത്. ബാങ്കുകള്‍ക്ക് സര്‍വീസ് ചാര്‍ജുകള്‍ ചുമത്താന്‍ റിസര്‍വ് ബാങ്ക് അനുമതി നല്‍കിയിട്ടുണ്ടെന്നും ധനകാര്യ മന്ത്രാലയം അറിയിച്ചു.

തിരുവനന്തപുരം വിമാനത്താവളം: സ്വകാര്യ പങ്കാളിത്തത്തിന് തത്വത്തിൽ അനുമതി.

ന്യൂഡൽഹി: തിരുവനന്തപുരം വിമാനത്താവളത്തിൽ സ്വകാര്യ പങ്കാളിത്തത്തിന് തത്വത്തിൽ അനുമതിയായി. കേന്ദ്രവ്യോമയാന സഹമന്ത്രി ജയന്ത് സിൻഹ ഇതുസംബന്ധിച്ച് ലോക്സഭയിൽ മറുപടി നൽകി. നീതി ആയോഗ് സിഇഒയുടെ നേതൃത്വത്തിൽ‌ മേൽനോട്ട സമിതി രൂപീകരിച്ചു ജീവനക്കാരുടെ പ്രശ്നങ്ങൾ പരഹരിക്കാനും പദ്ധതി തയാറാക്കുന്നുണ്ട്. നേരത്തേ ആറു വിമാനത്താവളങ്ങളെ പൊതു–സ്വകാര്യ പങ്കാളിത്ത മാതൃകയിൽ വികസിപ്പിക്കാൻ. കേന്ദ്രസർക്കാർ തീരുമാനിച്ചിരുന്നു. എന്നാല്‍ തിരുവനന്തപുരം വിമാനത്താവളത്തെ ഇതിൽ നിന്ന് ഒഴിവാക്കണമെന്നും സംസ്ഥാന സർക്കാരിന്റെ നേതൃത്വത്തിൽ രൂപീകരിക്കുന്ന പ്രത്യേക ദൗത്യകമ്പനിയെ നടത്തിപ്പ് ഏല്‍പ്പിക്കണമെന്നും കേരളം ആവശ്യപ്പെട്ടു. നടത്തിപ്പ് അവകാശം നേരിട്ടു നൽകുകയോ ടെൻ‌ഡറിൽ ആദ്യ പരിഗണന നല്‍കുകയോ വേണമെന്നും കേരളം അഭ്യര്‍ഥിച്ചു. കൊച്ചി, കണ്ണൂർ വിമാനത്താവളങ്ങളുടെ നിർമാണവും നടത്തിപ്പുമാണ് കേരളത്തിന്റെ യോഗ്യതയായി ഉയർത്തിക്കാണിച്ചിരുന്നത്.