രാജ്യത്ത്​ 43,082 പേര്‍ക്ക്​ കൂടി കോവിഡ്​; രോഗബാധിതര്‍ 93,09,788

ന്യൂഡല്‍ഹി: രാജ്യത്ത്​ 24 മണിക്കൂറിനിടെ 43,082 പേര്‍ക്ക് കൂടി കോവിഡ്​ ബാധിച്ചു. ഇതോടെ ആകെ രോഗബാധിതരുടെ എണ്ണം 93,09,788 ആയി ഉയര്‍ന്നു. 492 പേര്‍ കൂടി കോവിഡ്​ ബാധിച്ച്‌​ മരിച്ചു.

ഇതോടെ ആകെ മരണം 1,35,715 ആയി ഉയര്‍ന്നു. നിലവില്‍ 4,55,555 പേരാണ്​ ചികില്‍സയിലുള്ളത്​. 87,18,517പേര്‍ ഇതുവരെ രോഗമുക്​തി നേടി. 39,379 പേരാണ്​ കഴിഞ്ഞ 24 മണിക്കൂറിനിടെ രോഗമുക്​തി നേടിയത്​. തുടര്‍ച്ചയായ 20ാം ദിവസമാണ്​ കോവിഡ്​ രോഗികളുടെ എണ്ണം 50,000ത്തിനും താഴെയാകുന്നത്​.

അതേസമയം, കോവിഡ്​ വാക്​സിന്‍ പരീക്ഷണങ്ങളിലും ഇന്ത്യ അതിവേഗം മുന്നോട്ട്​ പോവുകയാണ്​. വാക്​സിന്‍ വിതരണത്തെ കുറിച്ച്‌​ ചര്‍ച്ച ചെയ്യാന്‍ പുണെ, ഹൈദരാബാദ്​, അഹ്​മദാബാദ്​ എന്നിവിടങ്ങളില്‍ പ്രധാനമന്ത്രി നരേന്ദ്ര മോദി സന്ദര്‍ശനം നടത്തും.

Article by admin