24x7 Christian Channel

Author: admin

അമേരിക്കയില്‍ മാരകരോഗിയായ ഹൈസ്കൂള്‍ അത്ലറ്റിന്‍റെ അന്ത്യാഭിലാഷം ഗര്‍ഭച്ഛിദ്ര നിരോധനം; നിറവേറ്റുമെന്ന് ടെക്സസ് ഗവര്‍ണ്ണര്‍

ബോണ്‍കാന്‍സര്‍ മാരകമായതിനെ തുടര്‍ന്ന് മരണത്തെ പ്രതീക്ഷിച്ച് കഴിയുന്ന ഹൈസ്കൂള്‍ അത്ലറ്റിന്‍റെ അന്ത്യാഭിലാഷം മാനിച്ച് ഗര്‍ഭച്ഛിദ്രം സംസ്ഥാനത്ത് അവസാനിപ്പിക്കുമെന്ന് ടെക്സസ് ഗവര്‍ണ്ണര്‍. നട്ടെല്ലില്‍ മാരകമായ ട്യൂമര്‍ ബാധിച്ച് മരണത്തോടു മല്ലടിക്കുന്ന 16കാരന്‍ ജെറമ്യ തോമസിന്‍റെ അന്ത്യാഭിലാഷത്തിനാണ് ടെക്സസ് ഗവര്‍ണ്ണര്‍ ഗ്രെഗ് എബെട്ട് ടെലഫോണ്‍ സന്ദേശത്തിലൂടെ മറുപടി നല്‍കിയത്.
വോയ്സ്ഓവര്‍
ഹൈസ്കൂള്‍ അത്ലറ്റായിരുന്ന ജെറമ്യ കാലിഫോര്‍ണിയ, മെക്സിക്കോ, ടെക്സസ് എന്നിവിടങ്ങളില്‍ ചികിത്സ നടത്തിയെങ്കിലും വേണ്ടത്ര ഫലം കണ്ടില്ല. പത്ത് ശതമാനം പോലും ജീവിതത്തിലേക്ക് മടങ്ങിവരാന്‍ സാധ്യതയില്ലെന്ന വൈദ്യശാസ്ത്ര വിധി വന്നതോടെ തന്‍റെ ജീവിതത്തില്‍ ഏറ്റവും കൂടുതല്‍ ആഗ്രഹിച്ച ഗര്‍ഭച്ഛിദ്ര നിരോധനം നടപ്പാക്കണമെന്ന ആവശ്യം ജെറമ്യ നേരിട്ട് തന്നെ ഗവര്‍ണ്ണറെ അറിയിക്കുകയായിരുന്നു. മരണശേഷം തന്‍റെ ജീവിതം കൊണ്ട് ഇത്രയെങ്കിലും നേടാനായെന്ന് മറ്റുള്ളവര്‍ ഓര്‍മ്മിക്കുന്നതിനാണ് ജെറമ്യ ഈ ആവശ്യം ഉന്നയിച്ചത്. അതേ തുടര്‍ന്ന് കഴിഞ്ഞ ഞായറാഴ്ച ഗവര്‍ണ്ണര്‍ ഗ്രെഗ് ജെറമിയയെ ഫോണില്‍ വിളിക്കുകയായിരുന്നു. ജെറമ്യയുടെ ആവശ്യപ്രകാരം ഗര്‍ഭച്ഛിദ്രം ഇല്ലായ്മ ചെയ്യുന്ന ബില്ലിനെക്കുറിച്ച് ചര്‍ച്ച ചെയ്യുമെന്നും അതവസാനിപ്പിക്കുന്നതിന് വേണ്ടി തന്നാല്‍ കഴിയുന്ന എല്ലാ നടപടികളും സ്വീകരിക്കുമെന്നും ഗവര്‍ണ്ണര്‍ പറഞ്ഞു. അബോര്‍ഷന്‍ ക്ലീനിക്കുകള്‍ക്കെതിരെ കുടുംബാംഗങ്ങള്‍ക്കൊപ്പം ജെറമ്യയും ചെറുപ്രായം മുതല്‍ പ്രവര്‍ത്തിച്ചിരുന്നു. ഗര്‍ഭാവസ്ഥയിലുള്ള കുഞ്ഞുങ്ങളെ കൊല്ലുന്നത് ദൈവത്തിന്‍റെ സൃഷ്ടി വൈഭവത്തിന് എതിര് നില്‍ക്കുന്നതിന് തുല്യമാണെന്നും അത് പൈശാചികമാണെന്നുമായിരുന്നു ജെറമ്യയുടെ നിലപാട്. റിപ്പബ്ലിക്കന്‍ പാര്‍ട്ടി ഈ വിഷയത്തില്‍ അനുകൂല തീരുമാനം നേരത്തെ തന്നെ പ്രഖ്യാപിച്ചിരുന്നു. 1973 മുതല്‍ മുതല്‍ 60 മില്യണ്‍ കുഞ്ഞുങ്ങളാണ് അമേരിക്കയില്‍ ഇത്തരത്തില്‍ കൊല്ലപ്പെട്ടത്. ജനസംഖ്യയുടെ മൂന്നില്‍ ഒന്ന് ഇങ്ങനെ ഭൂമുഖത്ത് നിന്ന് തുടച്ച് നീക്കപ്പെടുകയായിരുന്നു.

അമേരിക്കയില്‍ അനധികൃത കുടിയേറ്റക്കാരാല്‍ കൊല്ലപ്പെട്ടത് 63000 പൗരന്മാരെന്ന് ഡൊണാള്‍ഡ് ട്രമ്പ്; എയ്ഞ്ചല്‍ ഫാമിലീസിനെ ആശ്വസിപ്പിച്ച് പ്രസിഡന്റ്

2011 ലെ ഭീകരാക്രമണത്തിന് ശേഷം അമേരിക്കയില്‍ 63000 പൗരന്മാര്‍ അനധികൃത കുടിയേറ്റക്കാരാല്‍ വധിക്കപ്പെട്ടതായി പ്രസിഡന്‍ര് ഡൊണാള്‍ഡ് ട്രമ്പ്. വൈറ്റ് ഹൗസില്‍ ജൂണ്‍ 22ന് നടന്ന പ്രത്യേക ചടങ്ങില്‍ അനധികൃത കുടിയേറ്റക്കാരാല്‍ കൊല്ലപ്പെട്ട അമേരിക്കന്‍ പൗരന്മാരുടെ കുടുംബാംഗങ്ങളെ ആശ്വസിപ്പിച്ച് കൊണ്ട് അവരുടെ ഓട്ടോ ഗ്രാഫുകളില്‍ ഒപ്പിട്ടതിന് ശേഷം സംസാരിക്കുകയായിരുന്നു പ്രസിഡന്‍ര്.
വോയ്സ് ഓവര്‍
അനധികൃത കുടിയേറ്റക്കാര്‍ 63000 പൗരന്മാരുടെ ജീവനാണ് കവര്‍ന്നത്. ഇത്തരം സംഭവങ്ങള്‍ ഇനിയും ആവര്‍ത്തിക്കാന്‍ അനുവദിക്കരുത്. അതിര്‍ത്തി സുരക്ഷ ശക്തമാക്കി ഇത്തരക്കാരെ അമേരിക്കയില്‍ പ്രവേശിപ്പിക്കാതെ തടയുമെന്നും ട്രമ്പ് പറഞ്ഞു. കൊല്ലപ്പെട്ടവരുടെ ചിത്രങ്ങളുമായാണ് ഉറ്റവരില്‍ അനേകര്‍ ചടങ്ങില്‍ പങ്കെടുത്തത്. ഡൊണാള്‍ഡ് ട്രമ്പ് ആ ചിത്രങ്ങളില്‍ ഒപ്പ് ചാര്‍ത്തുമ്പോള്‍ പലരും വിതുമ്പുന്നുണ്ടായിരുന്നു. എയ്ഞ്ചല്‍ ഫാമിലീസ് എന്നാണ് പ്രസിഡന്റ് അവരെ വിശേഷിപ്പിച്ചത്. അമേരിക്കന്‍ പൗരന്മാര്‍ കൊല്ലപ്പെടുന്നതിലൂടെ കുടുംബാംഗങ്ങളില്‍ നിന്ന് എന്നന്നേക്കുമായി അവര്‍ മാറ്റപ്പെടുന്നതാണോ നിയമവിരുദ്ധമായി രാജ്യത്ത് കുടിയേറുന്നവരുടെ കുട്ടികളെ എല്ലാ സുഖസൗകര്യങ്ങളോടും കൂടെ താത്ക്കാലികമായി മാറ്റി രാജ്യത്തിന് ദ്രോഹം ചെയ്യുന്ന അനധികൃത കുടിയേറ്റത്തിന് തടയിടുന്നതാണോ ഉചിതം എന്നും ട്രമ്പ് വേദിയില്‍ ചോദിച്ചു. ഇമിഗ്രേഷന്‍ നിയമങ്ങള്‍ ദുര്‍ബലമാക്കിയ ഡെമോക്രാറ്റുകള്‍ ചര്‍ച്ചയ്ക്കോ രാജ്യത്തിന്‍റെ നിലനില്‍പ്പിനായി കൂടിക്കാണുന്നതിനോ തയാറാകാത്തത് ശരിയല്ലെന്നും ട്രമ്പ് കൂട്ടിച്ചേര്‍ത്തു.ന്യൂസ് ഡെസ്ക്, ഹാര്‍വെസ്റ്റ് യുഎസ്എ