24x7 Christian Channel

Author: admin

യുഎസില്‍ സെപ്റ്റംബര്‍ 11 ഭീകരാക്രമണം 10000 ത്തോളം ആളുകളെ അര്‍ബുദ രോഗികളാക്കിയെന്ന് റിപ്പോര്‍ട്ട്

യുഎസില്‍ 2001 സെപ്റ്റംബര്‍ 11ന് അല്‍ക്വയ്ദ ഭീകരര്‍ നടത്തിയ ഭീകരാക്രമണം അര്‍ബുദ രോഗികളാക്കിയത് പതിനായിരത്തോളം ,ആളുകളെയാണെന്ന് റിപ്പോര്‍ട്ട്. ഭീകരാക്രമണത്തെ തുടര്‍ന്നുണ്ടായ വിഷ ലിപ്തമായ പുകയും പൊടിയും ശ്വസിച്ചതാണ് ഇവരില്‍ അര്‍ബുദത്തിന് കാരണമായത്. ആക്രമണത്തിന് ശേഷം ആദ്യം സ്ഥലത്തെത്തിയ തൊഴിലാളികള്‍, നഗരവാസികള്‍, വിദ്യാര്‍ത്ഥികള്‍ എന്നിവരുള്‍പ്പെടെ 9795 പേര്‍ക്ക് ഇതുവരെ അര്‍ബുദം സ്ഥിരീകരിച്ചതായി ഫെഡറല്‍ വേള്‍ഡ് ട്രേഡ് സെന്‍റര്‍ ഹെല്‍ത്ത് പ്രോഗ്രാം പുറത്ത് വിട്ട കണക്കുകള്‍ ചൂണ്ടിക്കാട്ടി ന്യൂയോര്‍ക്ക് പോസ്റ്റ് റിപ്പോര്‍ട്ട് ചെയ്തു. അന്ന് രക്ഷാപ്രവര്‍ത്തനത്തിന് എത്തിയവരില്‍ 1700 പേര്‍ ഇതിനകം മരിച്ചു. ഇതില്‍ 420 പേരുടെ മരണകാരണവും അര്‍ബുദമായിരുന്നു. 2016 ല്‍ 8188 പേരാണ് ഈ സംഭവത്തിലൂടെ അര്‍ബുദ ബാധിതരായത്. ഫെഡറല്‍ വേള്‍ഡ് ട്രേഡ് സെന്‍റര്‍ ഹെല്‍ത്ത് സര്‍വ്വിസിന്‍റെ .നിരീക്ഷണമാണ് പിന്നീട് സ്ഥിരീകരണത്തിലെത്തിയത്. 2013 മുതലാണ് വേള്‍ഡ് ട്രേഡ് സെന്‍റര്‍ ആക്രമണത്തിലൂടെ അര്‍ബുദം ബാധിച്ചവരുടെ കണക്കെടുക്കുവാന്‍ ആരംഭിച്ചത്. ആക്രമണത്തെ അതിജീവിച്ചവരുടേയും അന്ന് രക്ഷാ പ്രവര്‍ത്തനത്തില്‍ ഏര്‍പ്പെട്ടവരുടേയും എണ്ണം ചുരുങ്ങി വരികയാണെന്ന് ഭീകരാക്രമണം മൂലം കഷ്ടം അനുഭവിക്കുന്നവര്‍ക്ക് വേണ്ടി നിലകൊള്ളുന്ന സംഘടനയുടെ വക്താവ് ജോണ്‍ ഫീല്‍ പറയുന്നു.

എ.ജി ചാരിറ്റി ഡിപ്പാര്‍ട്ട്മെന്‍റ് 525 കുടുംബങ്ങള്‍ക്ക് ഭക്ഷണകിറ്റുകള്‍ വിതരണം ചെയ്തു

അസംബ്ലീസ് ഓഫ് ഗോഡ് മലയാളം ഡിസ്ട്രിക്റ്റ് ചാരിറ്റി ഡിപ്പാര്‍ട്ട്മെന്‍റിന്‍റെ നേതൃത്വത്തില്‍ മഴക്കെടുതി മൂലം ദുരിതം പേറുന്ന 525 കുടുംബങ്ങള്‍ക്ക് ഭക്ഷണക്കിറ്റ് വിതരണം ചെയ്തു. മാവേലിക്കര, ചെങ്ങന്നൂര്‍, ചെങ്ങനാശേരി, തിരുവല്ല, ആലപ്പുഴ നോര്‍ത്ത് ,സൗത്ത് സെക്ഷനുകളില്‍ ഉള്‍പ്പെട്ട സഭകള്‍ക്കും സമീപവാസികള്‍ക്കുമാണ് അരി, പലവ്യജ്ഞനം. കുടിവെള്ളം എന്നിവ അടങ്ങുന്ന കിറ്റുകള്‍ വിതരണം ചെയ്തത്. ആഗസ്റ്റ് 7ന് മലയാളം ഡിസ്ട്രിക്റ്റ് സൂപ്രണ്ട് പാസ്റ്റര്‍ പിഎസ് ഫിലിപ്പിന്‍റെ പ്രാര്‍ത്ഥനയോടെയാണ് ചാരിറ്റി പ്രവര്‍ത്തനങ്ങള്‍ക്ക് തുടക്കമായത്. ചാരിറ്റി കണ്‍വീനര്‍ പാസ്റ്റര്‍ എംഡി തോമസ്കുട്ടി, ഡയറക്ടര്‍ ജോര്‍ജ് വി ഏബ്രഹാം, ശീലാസുകുട്ടി, വിന്‍സെന്‍റ് പി.ജെ, പിഎം മാത്യു എന്നിവര്‍ ക്രമീകരണങ്ങള്‍ക്കായി സഹകരിച്ചു.

മഴ വീണ്ടും ശക്തി പ്രാപിക്കുന്നു; വയനാടും കോഴിക്കോടും ദുരിതത്തില്‍; ഒരാളെ തോട്ടില്‍ വീണു കാണാതെയായി; 444 വില്ലേജുകളെ ദുരന്തബാധിതമായി സര്‍ക്കാര്‍ പ്രഖ്യാപിച്ചു

മഴയും കാറ്റും വീണ്ടും ശക്തമായതോടെ വയനാടന്‍ ജില്ലയും കോഴിക്കോടന്‍ മലയോര പ്രദേശങ്ങളും വീണ്ടും ആശങ്കയിലായി. വയനാട് മക്കിമലയില്‍ വീണ്ടും ഉരുള്‍ പൊട്ടി. തലപ്പുഴയ്ക്കടുത്ത് കമ്പി പാലത്ത് മരിച്ചയാളുടെ വീട്ടിലെത്തിയ ഒരാളെ തോട്ടില്‍ വീണു കാണാതെയായി. ഇന്നലെ രാവിലെയായിരുന്നു അപകടം. തെരച്ചില്‍ തുടരുകയാണ്. മഴ കുറഞ്ഞതിനെ തുടര്‍ന്ന് ദുരിതാശ്വാസ ക്യാമ്പില്‍ നിന്ന് പലരും വീട് വൃത്തിയാക്കാന്‍ വീടുകളിലേക്ക് തിരിച്ചെത്തിയെങ്കിലും മഴ പൂര്‍വ്വാധികം ശക്തി പ്രാപിച്ചതോടെ ദുരിതാശ്വാസ ക്യാമ്പുകളിലേക്ക് മടങ്ങേണ്ട സാഹചര്യമാണ്. തോടുകളും പുഴകളും കരകവിഞ്ഞൊഴുകുകയാണ്. മഴക്കെടുതി മൂലം സംസ്ഥാനത്തെ 444 വില്ലേജുകളെ സര്‍ക്കാര്‍ ദുരന്തബാധിതമായി പ്രഖ്യാപിച്ചു. രണ്ട് ദിവസത്തിലധികം വെള്ളം യകെട്ടി നിന്ന വീടുകള്‍ പുനരുദ്ധരിക്കുവാന്‍ സര്‍ക്കാര്‍ 10000 രൂപ സഹായധനം നല്‍കും. പൂര്‍ണ്ണമായി വീട് തകര്‍ന്നവര്‍ക്ക് 4 ലക്ഷം രൂപ നഷ്ട പരിഹാരം നല്‍കും. ഉരുള്‍ പൊട്ടല്‍ മൂലമുള്ള ദുരന്തങ്ങള്‍ കാരണം സ്വന്തം ഭൂമിയില്ലാതായവര്‍ക്ക് മൂന്ന് മുതല്‍ അഞ്ച് സെന്‍റ് വരെ വാങ്ങുന്നതിന് 6 ലക്ഷം രൂപയും ഇവര്‍ക്ക് വീട് വയ്ക്കാന്‍ 4 ലക്ഷം രൂപ അധികമായും അനുവദിക്കുമെന്ന് മുഖ്യ മന്ത്രി പറഞ്ഞു. സര്‍ക്കാര്‍ നല്‍കുന്ന ദുരിതാശ്വാസ തുകകള്‍ക്കും മുഖ്യമന്ത്രിയുടെ ദുരിതാശ്വാസ നിധിയിലേക്ക് ആളുകള്‍ നല്‍കുന്ന സംഭാവനകള്‍ക്കും കമ്മീഷന്‍ ഈടാക്കരുതെന്ന് ബാങ്കിംഗ് സമിതിയോട് സര്‍ക്കാര്‍ ആവശ്യപ്പെടും. പ്രളയത്തില്‍ രേഖകള്‍ നഷ്ടമായവര്‍ക്ക് പുതിയ രേഖകള്‍ ലഭിക്കുന്നതിന് ഫീസ് ഒഴിവാക്കും. രേഖകള്‍ നല്‍കുന്നതിന് പുതിയ വകുപ്പുകളെ ഏകോപിപ്പിച്ച് സെപ്റ്രംബര്‍ 3 മുതല്‍ 15 വെരെ അദാലത്തുകള്‍ സംഘടിപ്പിക്കുമെന്നും മന്ത്രിസഭാ യോഗത്തിന്ശേഷം മുഖ്യ മന്ത്രി അറിയിച്ചു