നോട്ട് അസാധുവാക്കിയതിന് ശേഷം വന്‍തുക നിക്ഷേപം നടത്തിയവര്‍ക്ക് ആദായനികുതി വകുപ്പ് നോട്ടീസ് അയക്കുവാന്‍ ഒരുങ്ങുന്നതായി റിപ്പോര്‍ട്ട്. നിക്ഷേപിച്ച തുകയുടെ ഉറവിടം വെളിപ്പെടുത്തണമെന്നാവശ്യപ്പെട്ടാണ് നോട്ടീസ് അയയ്ക്കുന്നത്. ബിനാമി നിയമ പ്രകാരം പതിനായിരത്തോളം പേര്‍ക്കാണ് നോട്ടീസ് അയക്കുന്നത്. ഈയാഴ്ച തന്നെ നോട്ടീസ് ലഭിച്ചു തുടങ്ങുമെന്നും തുടര്‍ന്നുള്ള ആഴ്ചകളിലും നോട്ടീസ് അയയ്ക്കല്‍ തുടരുമെന്നുമാണ് റിപ്പോര്‍ട്ട്. ഡാറ്റാ അനലിറ്റിക്സ് വഴി കണ്ടെത്തിയ നിക്ഷേപകര്‍ക്കാണ് നോട്ടീസ് അയക്കുന്നത് ബിനാമി നിയമപ്രകാരം അക്കൗണ്ട് ഉടമയും പണം ഉപേക്ഷിച്ചയാളും ഒരു പോലെ കുറ്റക്കാരാണ്.
